كنت أسمع عن شرطة يتحرشون بالبنات ولا شرطة يرقمون وشرطة يسكتون عن قعدات ومخدرات وهالسوالف الخ ... وكنت أقول مو معقول لازم نضع حد لهذه المهزلة قبل لا يزيد الشي عن حده وللأسف اللي خفت منه صار انا اليوم بتكلم بكل جرأه لان مليت أسكت بذمتكم ما مليتو تسكتون ترا الساكت عن الحق شيطان أخرس انا اليوم أتكلم بلسان شاب في عمر الزهور بريء ليس له ذنب انا اليوم اتكلم بلسان من ثارت فيه احاسيس الرجولة فأثار دموعنا ... حادثة مؤلمة يصعب علي قولها وسرد أحداثها أكتب بقلم يرتجف حرقة وألم على حال الكويت اليوم على قولة البعض *صرنا نعيش بنيويورك* أبغض الدول عند الله أعوذ بالله من غضب الله , عرض هذه الحادثه المحامي الشهير خالد عبدالجليل سأسرد لكم أحداثها بالمختصر المفيد تقول المحامية المتحدثة نيابة عن الاسرة كانت الاخت طالعه مع اخوها فوقفتهم سيارة شرطة طلب الشرطي من البنت انها تنزل رفضت فأجبرها على النزول فلما نزلت وضع يده على كتفها يحرضها على الفجور امام شقيقها !! فماكان من الاخ الا انه نزل ليدافع عن اخته وشرفها فتجمع عليه رجال شرطة اخرون والشرطي اللي كان يتحرش باخته وكان عددهم اربعه طقوه طق العمى لين لما شافوه على وشك انه يموت اتصلوا بالاسعاف وانحاشو ...
الاخ الحين يعاني من امراض خطيرة اتذكر بعضها وهي فقدان ذاكره وتمزق بالشريين وفقراته متكسره ...
لاي مستوى من الانحطاط وصلنا ؟ هذولا شرطتنا هذولا اللي المفروض يحافظون على الامن والسلام بالدوله ويوفرونه لنا ؟؟
ندعيله بالشفاء العاجل يارب وانا اوقف له وقفة احترام لان بطل في زمن قل فيه الابطال
الاشتراك في:
تعليقات الرسالة (Atom)
هناك 3 تعليقات:
يعطيج العافيه اختي ,,
صح لسانج وانا معاج بكل كلامج ومن ناحيه التحرش !! ترا مو قايله شي يديد يامه طاحو من عيني وايد من الشرطه والسبب بدون زعل بعض البنات الي داخل البيت شي وبره البيت شي ثاني !! وأرد واقوول بعض منهم والجنوس لانهم بختصار يضبطونهم بالخرابيط والحفلات الخ ..! ذاك اليوم وانا بماكدونالدز البحر توني داش ولا اشوف راعي الدوريه واهو الي مسفط بنيه عند المسافط حاشني كبرياء وحبيت اشوف ليش قاعد يسولف معاها وطبعا البنت يعني شقول لج ! حدث بلا حرج .. سبحان اللة يعني في ناس واللة تصيدهم من ملامحهم وسمات ويوهم .. المهم صفطت يمهم وانا نازل من السياره ولا يقولها خلاص انا بطوفها لج هل مرة ولا تعيدينها اوكي ؟ ويعطيها ذيك الابتسامه الي يحسسني انها صاحبته ويمشي ! يعني بأختصار يابت راسه وما خلته يخالفها يمكن على سرعه ولا استهتار ! ما ودي ألف كلام زايد فاا يعني ما اقوول غير " على الدنيا السلام " ويعطيج العافيه على هل موضوع الاكثر من جميل ^_^ واعتقد انه يستحق النشر
خالد عبدالجليل همه الوحيد ان يبين ان الشعب الكويتي شعب مجرم
اكرتلك اخوي زقمبي على مرورك وانشالله ماتكون اخر مره والاخ براك سامحني انا اعارض وجهة نظرك لان احنا شعب لكويت نظل نعمي عينا عن الغلط ونقول احنا مافينا شي متى نسلط الضوء على مشاكلنا ونحلها بالعكس المحامي خالد عبدالجليل يسلط الضوء على هذي القضايا كخطوه اولى نحو التغيير نأمل بأن تحل المشاكل
إرسال تعليق